جوازة أبريل لنورهان محسن

تحية بإندهاش يخر بيت اللي اسمها ايه دي اللي بتلعبيها كل ما اكلمك الاقيكي بنفس القعدة دي يا ابريل
ضحكت ابريل تهز رأسها سلبا ثم قالت موضحة لها يا توحا قولتلك كتير دي رياضة صحية جدا اسمها يوجا
بقلم نورهان محسن
فى إحدى البنايات شاهقة الإرتفاع.
عند باسم
دوى صوت الهاتف الخلوي ليهب جسده بإنتفاضة على السرير الكبير وهو يوزع نظراته الزائغة في تلك الغرفة الفسيحة التي أضاءت بمصباحين كهربائيين بضوء خاڤت على جانبي السرير والشمس الساطعة في الخارج لا تجد طريقة للدخول من خلال الستائر المغلقة ليتنهد بارتياح عندما أدرك أن ما رآه لم يكن سوى مجرد حلم بل كابوس معتاد أن يراه منذ فترة طويلة.

التقط باسم هاتفه من الطاولة الجانبية للسرير وأجاب دون النظر إلى رقم المتصل من بين أنفاسه اللاهثة ايوه!!
رد الطرف الأخر قائلا بسخرية زي ما توقعت لسه الباشا نايم!
اتكئ باسم برأسه على الوسادة مغمضا العينين ثم رد متذمرا وهو حد بيصحي بدري كدا يا صلاح!
قال صالح متهكما بنبرة ساخطة بتقول صلاح حاف كدا لأبوك يا عد يم التربية .. ثم البني ادمين الطبيعيين بيصحوا بدري مش زيك فاشل بيصحي بعد الضهر
رافق ضحكته سعال خفيف ثم سأله بنبرة أجش متجاهلا كل ما قاله له انت ازي صحتك يا بابا!
تشدق صدغ صلاح بجانبية قائلا بصوت شبه ساخر زي الحديد يا روح ابوك وفي الشركة من بدري كالعادة
أفرج باسم عن جفونه ناظرا إلى ساعة الهاتف ليجد أنها لم تكن سوى التاسعة صباحا فقال بصوت هادئ كنت هكلمك علي فكرة انهاردة عشان عايزك في موضوع
صاح صلاح بنبرة تعجب وهو يضحك مستهزئا بكلماته والله !! ضروري يكون موضوع مهم اللي يخليك تلاقي وقت تكلمني وسط انشغالاتك اللي مابتخلصش
هز باسم كتفاه للأعلى وهو يلوى
شفتاه مغمغما بتتريق يا حج ..
تنهد صلاح بقلة حيلة ثم هتف بحزم نهايته .. ماتتأخرش علي اجتماع انهاردة ومفيش اعذار .. وبالمرة نشوف كمان موضوعك المهم دا
رد باسم منهيا الحديث تمام جاي
أغلق الهاتف وألقاه بجانبه على السرير ثم استلقى على بطنه وعاد إلى النوم مرة أخرى.
بقلم نورهان محسن
فى نفس الوقت
داخل غرفة إبريل
نهضت ابريل من مكانها بمجرد أن أنهت جملتها متبينا طولها الضئيل إلى حد ما لكنها تتمتع بقد متناسقا يجمع بين النحافة والأنوثة معا موليها ظهرها لتذهب إلى غرفة ملابسها الصغيرة معقبة بسؤال المهم طمنيني عليكي لسه رجلك بټوجعك
أجابتها تحية موضحة لها حتى تطمئن دهنت المرهم قبل ما انام و اهو الحمدلله علي كل حال خلاص بقي العضمة كبرت
أنهت تحية جملتها بضحكة ساخرة على نفسها وابريل جاءت من الداخل قائلة بتذمر خفيف تحية ماتقوليش كدا .. ما انتي لسه شباب اهو
عدلت تحية مفرش الطاولة أمامها وقهقهت بخفة ثم تساءلت بدهشة بطلي البكش يا بت .. انتي بتلبسي كدا و رايحة علي فين .. ايه وراكي جامعة
ردت أبريل بتصحيح ممزوج بالمرح بينما كانت مشغولة في تزرير قميصها الأبيض ذي الأكمام الطويلة بخطوط زرقاء فاتحة بعد أن دسته في بنطالها الأسود انتي لسه فاكرة يا توحة .. ما انا خلاص اتخرجت وقريب هتوظف كمان في شركة مقاولات كبيرة .. ادعيلي انتي بس
خرجت الكلمات من جوفها بحنان ربنا يوفقك يا بنتي .. المهم خطيبك موافق علي شغلك دا ولا هيضايق!
أجابت ابريل على سؤالها بالنفي وهي تحمل هاتفها لتتوجه به إلى منضدة الزينة لتضعه فوقه قبل الجلوس على الكرسي لا طبعا هو موافق .. اصلا انا متفقة معاه اني عايزة اشتغل حتي بعد الجواز وهو ماعندوش مانع ..
رددت تحية بهدوء ربنا يهدي سركو يا حبيبتي ..
استأنفت تحية حديثها مقوسة فمها بعبوس شوفوا بكش البت ماقولتيش برده رايحة علي فين يا غندورة
ضحكت ابريل بخفة وهي تتخلى عن المشط الذي كانت تمشط به شعرها الأشقر الطويل المتدلى إلى منتصف ظهرها ثم التفتت إلى الشاشة بعيناها الشبيهة بعيني جدتها وردت عليها بإيضاح انا يا ستي رايحة للبنات في المطعم .. عشان اخد باقي حاجتي واعمل المخالصة واخد باقي مستحقاتي عشان خلاص الفرح فاضل عليه اسبوعين بس
بادلتها تحية الإبتسامة بسعادة ثم قالت تدعو لها بحنو الله يفرح قلبك يا حبيبتي ..
سرعان ما زمت شفتيها مردفة بإستياء معرفش مطعم ايه دا اللي كنتي متمسكة بالشغل فيه وانتي من اقل حاجة بتتعبي .. والله ابن حلال مصطفي دا انه اقنعك تسيبيه
أنهت تحية كلامها وهي تحرك رأسها برضا دون أن تلحظ تعابير ابريل التي استاءت مم قالت ثم هتفت بعناد ما بداخلها يا ستي انا مكنتش تعبانة فيه ولا حاجة .. كنت بشتغل في اجازة الصيف وباقي السنة في التدريب تبع الكلية .. ثم بقي هو ما اقنعنيش بحاجة شئ طبيعي اني بعد ما اتخرج اتوظف بشهادتي اللي طلعت روحي عشان اخدها
قالت ابريل جملتها الأخيرة بفخر وهي تعقد كلتا يديها إلى صدرها لتهز تحية رأسها بابتسامة ملتوية من عناد حفيدتها الذي لن يتغير أبدا ثم قالت بتوبيخ لطيف يادي راسك النشفة ما براحة شوية علي الراجل .. وايه مش ناوية تيجي بقي نفسي اشوفك لحم ودم بدل ما بشوفك جوا شاشة كدا
نطقت تحية كلماتها بنظرات مليئة بالشوق الكبير وامتلأت عيناها بالدموع فخرجت تنهد من أعماق الأخرى معبرة عن مدى اشتياقها لها أيضا بينما اقتربت بوجهها أكثر من الشاشة وهى تتمنى أن تكون بإستطاعتها الآن معانقتها لكنها قالت بلطافة يعني انا اللي مش نفسي يا ستي .. خلاص بقي ماتعيطيش عشان خاطري .. معلش اهي تصبيرة لحد ماتيجي تقعدي معايا شوية قبل الفرح .. ووقتها مش هخرج من هو
اختتمت ابريل حديثها بنبرة عابثة لتمسح تحية دموعها في طرف حجابها ضاحكة بخفة على كلمات حفيدتها التي بدلت الجزع داخل قلبها إلى مزحة غيرت مزاجها للأفضل قبل أن تنتقدها بسخط مصطنع اتلمي يا قلي لة الحياء .. يعني انتي بجد مبسوطة معاه يا ابريل
صمتت ابريل لعدة ثوان ثم ردت عليها بنبرة مطمئنة الحمدلله يا ستي .. مصطفي انسان هايل في كل حاجة .. طيب ومتفاهم وناجح في شغله ومحترم هعوز ايه تاني يعني
نظرت ابريل إليها لبضع لحظات ثم رفعت يدها مشيرة إليها بإصبعها بحركات دائرية وأضافت بابتسامة مليئة بالتحذير الدور عليا انا بقي .. اوعي تضحكي عليا وماتاخديش الدوا في مواعيده يا توحا .. انا متابعة مع صابرين وبتقولي علي كل حاجة
تعالت ضحكات تحية على تلك التي لا تتوقف عن قول التعليمات بطريقة هزلية ثم تمتمت مستسلمة ماشي يا سنفور المحطة بتتفقي عليا انتي وخالتك الفتانة ..
أضافت تحية بعد أن تبدلت تعابيرها إلى الجدية دا انا اللي المفروض اسألك اخبار
صحتك ايه بتاخدي ادويتك ولا لا يا ابريل انا ببقي قاعدة هنا وقلبي قلقني عليكي
هزت ابريل رأسها علي الفور مؤكدة لها اطمني عليا انتي عارفاني قد ايه منظمة في كل حاجة ومهتمة بصحتي علي الاخر
ردت تحية بإريحية جدعة انا بستريح لما بتسمعي الكلام .. وياريتك سمعتي كلامي وماكنتيش ضړبتي شعرك في الخلاط كدا بقيتي شبه الفر نجا خالص
ضيقت ابريل فيروزيتها بدهشة ثم صاحت ضاحكة فر نجا!! يا توحا الفر نجا خرجوا من مصر من قبل ماتتجوزي انتي وجدي يا حبيبتي ..
أدارت ابريل رأسها تتطلع فى المرآة على هيأتها وهى تحرك خصلات شعرها بأطراف أصابعها وأضافت بعبوس لطيف وبعدين مالو شعري .. بذمتك يا توحا مش حلو الاصفر ولايق عليا اكتر من البني
قالتها ابريل بإستفهام لتجيبها تحية بإبتسامة حنونة حلوة وزي البدر .. بس اللون الرباني اللي مولودة بيه كان مالو ..
التفتت ابريل برأسها نحو الشاشة وهى تبعث لها فى الهواء مغمغمة بصدق ربنا يديمك ليا يا توحا ومايحرمنيش منك ابدا .. انتي نعمة ربنا عليا انتي الحنان و الدنيا كلها عندي يا توحتي
_ ويخليكي ليا يارب ..
سألتها مستفسرة ها امك ماكلمتكيش !
تغيرت تعابير وجهها بعد سؤال جدتها لكنها سرعان ما ردت بنبرة عادية لا يا ستي
علمت تحية أنها تشعر بالضيق لذلك حاولت كالعادة أن تريحها بالأعذار الواهية التى قد حفظتها الأخرى عن ظهر قلب يمكن مشغولة يا حبيبتي مع اخواتك .. وعشان انتي عارفة ليل اختك علي وش ولادة ربنا يكون في عونها .. ابقي كلميها انتي ..
اخذت ابريل نفسا طويلا ثم تمتمت بهدوء حاضر يا توحا..
أردفت ابريل سريعا تزامنا مع نهوضها ستي .. هقفل معاكي عشان ماتأخرش خدي بالك علي نفسك
_ وانتي كمان يا حبيبتي ربنا يحرسك ويحميكي من كل شړ يارب
بمجرد أن قالت تحية جملتها الأخيرة أرسلت لها ابريل في الهواء ثم نقرت على الشاشة لإغلاق المحادثة بينهما لتلتفت إلى المرآة ثم أمسكت بالفرشاة الصغيرة ببعض التوتر لتبدأ بوضع ثمة من مساحيق التجميل على بشرتها.
خطرت كلمة جدتها أمك على ذهنها عدة مرات لتبتسم بعفوية ساخرة فالأمومة هي علاقة روحية ترابطية تتكون من أحاسيس ومشاعر تشعر بها المرأة تجاه أطفالها ولكن تلك العلاقة لم تكن موجودة بينها وبين والدتها قط رغم أنها ابنتها الكبرى لكنها تعاملها دائما على أنها خطئا جثيما حدث في حياتها فظلت تكافح بكل طاقتها لإبعادها عنها وقد اعتادت على ذلك الشعور لكنها لم تستطع التغلب على عقدة النبذ التي مرت بها منذ أن وعت تلك الحياة وجدت والديها منفصلين عن بعضهما البعض حيث كانت والدتها الزوجة الثانية لأبيها الذي تزوج من امرأة أخرى بدون علم زوجته وعندما كانت حاملا بها طلقها الأب حتى لا يفقد زوجته الأولى ثم تزوجت والدتها من رجل آخر وهي لا تزال طفلة لم تبلغ عامين من العمر لتترك مسؤوليتها الكاملة لأبيها ووالدتها المسنين بينما يرسل لها والدها مبلغا شهريا دون أن يكلف عناء الطريق ويأتي لرؤيتها كما الحال مع والدتها التي لا تسأل عنها إلا نادرا بعد تلقيها توبيخا من والدها لإهمالها فى ابنتها وكثيرا ما يحاولون إقناعها بتربيتها مع أخواتها الثلاث الصغار في الإسماعيلية ربما تتحسن صحتها الهزيلة لكن ما هو بعيد عن العين بعيد عن القلب ومع مرور السنين نسوا أن لديهم طفلة صغيرة مفترضا أن يسألوا عنها أما هي فقد عاشت متجنبة التفكير فيهم تصب تركيزها على الدراسة والإهتمام بصحتها الضعيفة فقط.
بقلم نورهان محسن
فى محافظة الفيوم
تحديدا داخل اسطبل الخيول
إنكمشت ملامحه بذهول مستفهما بصوت أجش يا خبر ابيض انتي لسه بټعيطي يا دكتورة لميس!
قالت لميس ذلك بضحكة صغيرة بعد أن التفتت نحوه وقد استحالت عيناها البندقية إلى اللون الأحمر فأومأ لها برأسها مقدرا ما شعرت